Aksidenti/ I moshuari humb kontrollin e kamionit dhe përfundon jashtë rruge, ja si paraqitet gjendja e tij

Një aksident ka ndodhur pasditen e sotme (7 gusht) në aksin rrugor Këlcyrë-Dragot, ku një kamion ka dalë jashtë rruge.

Sipas policisë, 64-vjeçari i cili ishte shofer i mjetit, ka pësuar dëmtime dhe është dërguar për ndihmë mjekësore, në spitalin e Tepelenës.

Ndërkohë, policia vijon hetimet për zbardhjen e shkaqeve të aksidentit.

Njoftimi i policisë:

Përmet/Informacion paraprak

Rreth orës 18:00, në aksin rrugor “Këlcyrë-Dragot”, në vendin e quajtur “Fusha e Dragotit”, shtetasi E. D., 64 vjeç, ka humbur kontrollin mbi drejtimin e automjetit kamion, dhe për pasojë ky automjet ka dalë jashtë rruge.

Nga aksidenti, është dëmtuar 64-vjeçari, i cili u dërgua për ndihmë mjekësore, në spitalin e Tepelenës.

Grupi hetimor vijon punën për sqarimin e plotë të rrethanave të këtij aksidenti./m.j