Domosdoshmëria dhe përfitimet e aplikimeve të AI në menaxhimin e bizneseve

Nga Adrian Civici

Inteligjenca Artificiale, në kuadrin e përgjithshëm të Revolucionit 4.0 dhe gjithë zhvillimeve të reja e shumë të shpejta që po ndodhin në këtë fushë, është në një ekspansion të jashtëzakonshëm. Funksioni dhe popullariteti i Inteligjencës Artificiale po rritet çdo ditë. Inteligjenca artificiale është aftësia e një sistemi ose një programi për të menduar dhe mësuar nga përvoja. Aplikacionet e AI kanë evoluar ndjeshëm gjatë viteve të fundit dhe kanë gjetur aplikimet e tyre pothuajse në çdo sektor biznesi. Në mënyrë të vecantë, aplikacionet e saj specifike po e bëjnë atë një instrument magjepsës në cdo fushë të jetës dhe aktivitetit njerëzor.

Këtu nuk bën përjashtim as biznesi në gjithë kompelsitetin e tij që tashmë ka në duar një armë të re për një cilësi dhe eficencë pa limit në objektivat dhe rezultatet e tij. IA po ndryshon në mënyrë spetakolare vetë peisazhin e bizneseve. IA ka depërtuar në mënyrë të pamohueshme në çdo cep të bizneseve, nga shërbimi ndaj klientit te rekrutimi i burimeve njerëzore, nga marketingu te financat.

Për të qëndruar përpara në zhvillim modern, nuk është vetëm njohja e këtij revolucioni teknologjik, por zotërimi i tij. Kjo nuk ka të bëjë vetëm me automatizimet, dixhitalizimin apo robotikën, por mbi të gjitha, ka të bëjë me shfrytëzimin e fuqisë së IA për të rritur produktivitetin – mund të përpunojë sasi të mëdha të dhënash shumë më shpejt se çdo njeri, duke ndihmuar në marrjen e vendimeve të shpejta dhe thjeshtimit të mjaft operacioneve; eficencën – duke ulur ndjeshëm gjasat e gabimeve dhe rritur cilësinë e punës.  Ndryshe nga njerëzit, IA nuk ka nevojë për pushime duke i krijuar mundësi bizneseve të ofrojnë shërbime gjatë gjithë kohës; dhe potencialin human.

Përmirësimi i shërbimit ndaj klientit.

Shërbimi ndaj klientit është themeli i çdo biznesi të suksesshëm. Zbatimi i Inteligjencës Artificiale në këtë sektor ka krijuar një shërbim të ri ndaj klientit duke përshpejtuar proceset, duke personalizuar përgjigjet si dhe duke përmirësuar kënaqësinë e klientit. Ja disa nga aplikacionet apo përdorimet e Inteligjencës Artifiale në këtë aspekt të rëndësishëm, në shërbimin ndaj klientit:

➤ LiveChat – Imagjinoni një pritës e dialogues dixhital që plotëson nevojat e klientëve tuaj me shpejtësi dhe efikasitet, jo vetëm gjatë orarit zyrtar të punës, por gjatë gjithë ditës. LiveChat, i mundësuar nga GPT-4 i avancuar, është chatboti i personalizuar që bën pikërisht këtë, duke siguruar shërbim të shpejtë ndaj klientit. Jo vetëm që garanton konfidencialitetin dhe sigurinë e të dhënave me ruajtje të sigurt në serverët GCP/AWS (Shërbime cloud të sigurta, të besueshme dhe me performancë të lartë), por është gjithashtu në përputhje me ligjet dhe rregullat për ruajtjen e privatësisë së të dhënave.

➤ Tidio (Platforma e shërbimit të klientit nëpërmjet IA) – Në mjedisin kompleks të shërbimit ndaj klientit, Tidio vepron si orientuesi juaj inteligjent, duke u dhënë përparësi kërkesave urgjente dhe duke u siguruar që ato të zgjidhen menjëherë, mundëson në parashikimin e pyetjeve të mundshme të klientëve, duke përshpejtuar më tej mbështetjen ndaj klientit dhe duke i bërë përgjigjet më profesionale.

➤ Landbot – është një mjet unik që lejon të ndërtoni chatbots bisedues, faqe specifike interneti, fuqizon bizneset të ndërtojnë fushata komunikimi marketingu sa më të personalizuara, ofron dizajne tërheqëse, zgjeron mundësitë e komunikimit me klientët, i shërben atyre me eficencë të lartë gjatë gjithë kohës, duke ulur në mënyrë efektive kostot operacionale.

Kuptimi më i mirë i klientëve.

 Duke kaluar nga shërbimi ndaj klientit në analizën e klientit, teknologjia e Inteligjencës Artificiale vazhdon të hapë terren të ri që sas ka filluar të eksplorohet me eficencë. Këto mjete ndihmojnë në zbulimin e zakoneve, preferencave dhe sjelljeve të klientëve duke ofruar të dhëna e njohuri më të thella që ndihmojnë menaxhimin e bizneseve, por ato ofrojnë dhe mundësi më të mëdha për të përmirësuar e bërë më efikase strategjitë e zhvillimit të bizneseve.

Ja disa nga aplikacionet apo përdorimet e Inteligjencës Artifiale në këtë aspekt të rëndësishëm, që po ripërcaktojnë peizazhin e analizës së klientit :

➤ Peak (Kompani e IA e njohur për platformën e saj të inteligjencës artificiale SaaS) – instrument që shërben si një profilizues gjithëpërfshirës, duke konsoliduar të dhënat e klientit nga pika të shumta kontakti për të krijuar një personazh sa më të qartë e të qëndrueshëm të secilit klient, vecanërisht zakoneve dhe sjelljes së klientëve gjatë blerjes, kënaqësive dhe dyshimeve të tyre gjatë procesit të vendimmarrjes, parashikimin e sjelljeve të ardhëshme të klientëve, blerjet e tyre të rradhës apo kohën ideale të blerjeve nga klientët.

➤ Visual Website Optimizer (VËO): Ky instrument i segmentimit të klientëve është një eksperimentues i përpiktë, duke testuar segmente të ndryshme për të optimizuar faqen e internetit të bizneseve të ndryshme. Baza e të dhënave të tij përmban të dhënat e klientelës së bizneseve të ndryshme, i unifikon ato si dhe i bën të shfrytëzueshme nga gjithë ekipi menaxherial i bizneseve.

➤ Clearbit ( Produkt i pasurimit të të dhënave që përditëson automatikisht të dhënat e shitjeve, klientëve, etj.). Ky mjet shërben si një lloj “lente zmadhuese” që shqyrtuar llogaritë individuale të korporatave, pasuron të kuptuarit e klientëve, duke siguruar që strategjitë e biznesit të jenë sa më adekuate e cilësore, përcakton të ardhmen e rritjes dhe zhvillimit strategjik të bizneseve.

Zhvillimi i marketingut.

Ka kohë që tashmë konsiderohet e vjetëruar dhe jo-eficente praktika kur marketingu ishte një proces i dërgimit të mesazheve të përgjithësuara me shumicë. Sot, strategjia fokusohet në dërgimin e email të personalizuara në kohë dhe të përshtatshme për klientët e mundshëm.

Ky ndryshim drejt përmbajtjes më të shënjestruar dhe të personalizuar është bërë i mundur nga IA. IA mund të gjenerojë qindra e mijëra drafte të personalizuara në kohë rekord, mesazhe të përshtatshëm për cdo marrës të tyre, të analizojë sjelljen e konsumatorit në të kaluarën, të qartësojë sjelljen dhe mënyrat e komportimit të konsumatorit në aspektet e shfletimit dhe përdorimit të faqes së internetit të cdo biznesi, etj.

Ja disa nga aplikacionet apo përdorimet e Inteligjencës Artifiale në këtë aspekt të rëndësishëm, që po ripërcaktojnë metodat dhe metodologjinë e zhvillimit të marketingut :

➤ HubSpot – I njohur për platformën e tij gjithëpërfshirëse të marketingut, HubSpot ka krijuar aftësi inteligjente për të gjeneruar qindra e mijëra drafte të personalizuara “shitje”, duke bërë gjurmimin automatik të të gjitha ndërveprimeve dhe kontakteve ndërmjet kompanisë dhe klientëve të saj.

➤ Leadpages (Aplikacion në internet që përdoret për të mbledhur sa më shumë abonentë me email, që rrit në mënyrë të konsiderueshme listën e kontakteve me email) – që ndihmon shumë për rritjen e audiencës së ofertave, shërbimeve dhe produkteve të bizneseve.

➤ SeventhSense – Platformë e teknollogjisë IA që aplikon profilizimin e sjelljes së konsumatorëve, duke përdorur ndërveprimet e kaluara të tyre për të planifikuar kohën dhe veprimet e ardhshme të tyre.

➤ Zeta – platformë e teknollogjisë së IA e gjeneratës së arshme që zbulon identitetin, qëllimin dhe kontekstin e klientit, që ndihmon në identifikimin e opsioneve më efektive.

 Roli i Inteligjencës Artificiale në punësimin dhe rekrutim.

Mjetet e inteligjencës artificiale po bëhen arma më eficente e proceseve të rekrutimit të stafeve e punonjësve të bizneseve, duke e bërë atë një instrument të shpejtë e mbi të gjitha mjaft eficent e cilësor.

Le të trajtojmë disa nga këto mjete që ndryshojnë mënyrën e organizimit dhe menaxhimit të bizneseve :

➤ Attract.AI – Aplikacion që ndihmon në zbulimin e talenteve duke vepruar “me shpejtësinë e dritës” në identifikimin dhe evidentimin e burimeve njerëzore potenciale në shërbim të zgjedhjes dhe rekrutimit të stafeve e personelit të bizneseve të ndryshme. Të dhënat për mijëra e miliona kandidatë përpunohen në kohë rekord duke “ju vënë në tavolinë” mundësitë më të mira të zgjedhjes dhe kandidatët më të përshtatshëm në nivel kombëtar e ndërkombëtar.

➤ Olivia – është një “asistente inteligjente” që mund të ndihmojë në automatizimin e detyrave rutinë të zyrave të menaxhimit të personelit dhe rekrutimeve, duke krijuar mundësi të reja për të bërë më shumë punë me vlerë të shtuar duke shpenzuar më pak burime. Ajo fuqizon ekipet e punësimit për të identifikuar më shpejt talentet më të mira, i mban ata të angazhuar me komunikime të menjëhershme, merret me planifikimin e intervistave, menaxhon çdo fazë të udhëtimit të burimeve njerëzore.etj.  Bëhet fjalë për transformimin e burimeve njerëzore në një operacion strategjik, efikas dhe efektiv që kontribuon ndjeshëm në suksesin e përgjithshëm të një biznesi.

Eficenca e Kontabilitetit dhe Financave.

Duke u futur më thellë në fushën e IA nuk mund të anashkalohet roli dhe kontributi i saj i rëndësishëm në sferën e kontabilitetit dhe dhe financave. Numri i bizneseve që po përdorin IA në këtë drejtim po rritet me shpejtësi marramendëse. Meqenëse inteligjenca artificiale është bërë më e përhapur në të gjitha industritë, nuk është për t’u habitur që ajo po zgjerohet shpejt edhe brenda botës së financave e kontabilitetit, veçanërisht pasi COVID-19 ka ndryshuar ndërveprimin njerëzor. Duke riorganizuar dhe konsoliduar detyrat dhe duke analizuar të dhënat dhe informacionin shumë më shpejt se njerëzit, AI ka një ndikim të thellë dhe ekspertët parashikojnë se IA do ti kursejë industrinë bankare rreth 1 trilion dollarë deri në vitin 2030. “, Sipas McKinsey & Company “Teknologjitë e inteligjencës artificiale janë gjithnjë e më integrale në botën ku jetojmë dhe bankat dhe institucionet financiare e monetare duhet t’i përdorin këto teknologji gjerësisht për të mbetur relevante”.

Ja disa nga aplikacionet apo përdorimet e Inteligjencës Artifiale në këtë aspekt të rëndësishëm aplikimesh të suksesshme :

➤ Datar FP&A Genius – Softueri i orientuar drejt ekipeve të financave të korporatave të ndërmarrjeve të vogla dhe të mesme që kërkojnë të përmirësojnë planifikimin dhe analizën e tyre financiare. Ai automatizon konsolidimin e të dhënave dhe raportimin financiar dhe ofron flukse pune, shabllone dhe vizualizim të të dhënave që lehtësojnë buxhetimin, parashikimin, modelimin e skenarëve dhe analizën financiare. Ky chatbot i IA furnizohet me të dhëna në kohë reale nga burime të sigurta dhe të besueshme, duke garantuar vendime të bazuara në saktësi,  paraqet informacionin e tij përmes tabelave dhe pamjeve vizuale të kuptueshme lehtë, duke e bërë kompleksitetin e të dhënave financiare të kuptueshme për të gjithë.

➤ Domo: Një aplikacion pionier në integrimin dhe analizën e të dhënave, Domo merr të dhëna të papërpunuara nga një mori burimesh dhe i bashkon ato së bashku për të prodhuar njohuri e informacione domethënëse për vendimmarrjen. Këto njohuri sfidojnë kufijtë e njohur tradicionale të evidentimit dhe përpunimit të të dhënave financiare e atyre kontabël. Forca e Domo-s qëndron në ofrimin e një pamje të konsoliduar të biznesit, duke mundësuar vendimmarrje të bazuar në informacione komplekse e të përditësuara.

➤ Booke – Përdor IA për të rregulluar transaksionet e pakategorizuara dhe gabimet e kodimit, për të komunikuar më mirë me klientët dhe për të automatizuar më shumë “veprime rutinë apo të përditshme”. Duke vepruar si një llogaritar virtual, Booke përdor IA për të automatizuar dhe optimizuar shumë detyra të kontabilitetit, thjeshton komunikimin me klientin dhe rrit saktësinë e kategorizimit të transaksioneve me kalimin e kohës.

Rritja e produktivitetit të menaxhimit të biznesit

Falë mjeteve të IA bizneset kanë mundësi të thjeshtojnë operacionet dhe të mbajnë nën kontroll të gjitha proceset në mënyrë më efektive se kurrë më parë. Ato jo vetëm që shërbejnë si asistentë personalë që ju kujtojnë takimet ose detyrat, por gjithashtu reduktojnë ndjeshëm kohën e shpenzuar për menaxhimin e projektit, planifikimin dhe organizimin e informacionit.

Le ta konkretizojmë me disa shembuj përdorimin e IA në procese e operacione që ndikojnë shumë pozitivisht në rritjen e produktivitetit të tyre :

➤ Xembly (The smartest AI team assistant) – vepron si asistent virtual, duke ndihmuar në vendosjen e rregullit në sferën komplekse të caktimit të takimeve, mbledhjeve, planeve të veprimit, ndjekjen operacionale të punëve, etj., gjatë gjithë aktivitetit të përditshëm të funksionimit të bizneseve të ndryshme. Xembly integrohet në platforma të ndryshme, duke përfshirë Slack, Jira, Salesforce, Zoom, Google Calendar, etj.

➤ Taskade – Ky mjet all-in-one i produktit dhe menaxhimit të ekipit sjell IA në botën e menaxhimit të projektit. Taskade e bën të pandërprerë bashkëpunimin në ekip dhe ofron pasqyra të detajuara të progresit për secilin projekt, duke krijuar gjithashtu edhe një rrjet sigurie për gjithë punën e realizuar.

➤ Genei – është një chatbot revolucionar i AI i mundësuar nga ChatGPT & GPT-4, GPT-3. Për profesionistët që merren me kërkime shkencore ose punime akademike, Genei i lejon përdoruesit të organizojnë dhe menaxhojnë informacionin në mënyrë shumë efikase.

Forcimi i sigurisë kibernetike

Në një botë ku kërcënimet kibernetike dhe shkeljet e të dhënave po bëhen gjithnjë e më të përhapura, IA është shfaqur si një forcë e rëndësishme në forcimin e masave të sigurisë kibernetike dhe mbrojtjen e aseteve dixhitale.

Nga zbulimi i kërcënimeve të mundshme deri tek reagimi ndaj incidenteve në kohë reale, IA ofron një nivel të sofistikuar mbrojtjeje, i cili është veçanërisht i vlefshëm në një epokë të punës në distancë dhe rritjes së mbështetjes dixhitale. IA i pajis bizneset me mjetet për të parandaluar sulmet kibernetike dhe për të siguruar kufijtë e tyre dixhitalë, duke rritur kështu besimin midis klientëve dhe bizneseve.

➤ Darktrace – shquhet në sferën e sigurisë kibernetike të aktivizuar nga IA për zbulimin dhe përgjigjen e kërcënimeve. Teknologjia e saj self-learning mund të identifikojë, gjurmojë dhe reagojë ndaj kërcënimeve në kohë reale, duke reduktuar në mënyrë drastike dëmin e mundshëm. Duke kuptuar modelet ‘normale’ për përdoruesit individualë dhe rrjetin në tërësi, Darktrace mund të zbulojë shpejt anomalitë që mund të evidentojnë një kërcënim të sigurisë kibernetike.

➤ Crowdstrike: Crowdstrike përdor IA për të forcuar sigurinë e pikës fundore, një zonë e shënjestruar shpesh nga keqbërësit kibernetikë. IA identifikon dhe ndalon në mënyrë efektive shkeljet duke monitoruar dhe analizuar vazhdimisht aktivitetet në pikat fundore duke iu përgjigjur menjëherë kërcënimeve të mundshme.

➤ Check Point Infinity: Si një zgjidhje gjithëpërfshirëse për parandalimin e kërcënimeve kibernetike, Check Point Infinity përdor plotësisht IA për të mbrojtur kundër sulmeve të mundshme kibernetike. Inteligjenca Artificiale siguron një arkitekturë të integruar sigurie të krijuar për të trajtuar kërcënimet në të gjitha rrjetet, shërbimet cloud dhe aplikacionet celulare.

Sigurimi i sigurisë kibernetike nuk ka të bëjë vetëm me reagimin ndaj kërcënimeve; ka të bëjë me parashikimin dhe zbutjen e tyre përpara se të shkaktojnë dëm. Këto mjete të drejtuara nga IA ofrojnë një qasje proaktive për sigurinë e aseteve dixhitale, duke siguruar që biznesi të ruajë integritetin e tij dhe të vazhdojë të funksionojë pa probleme në fushën dixhitale.

Ndikimi i IA në marketingun video dhe audio

Fuqia e përmbajtjes video dhe audio në nxitjen e angazhimit të klientit është e pamohueshme.

Në peizazhin dixhital të ndërlidhur dhe me ritme të shpejta, këto formate ofrojnë përvoja dinamike që nxisin një lidhje më të gjerë e më të thellë me audiencën.

Mjetet e IA po revolucionarizojnë këtë hapësirë, duke e bërë atë të aksesueshme dhe efektive për bizneset e të gjitha madhësive.

➤ Synthesia – është një platformë e mundësuar nga IA që ju lejon të krijoni video të nivelit profesional pa pasur nevojë për pajisje të shtrenjta ose aftësi të gjera teknike.

Me teknologjinë e saj të mediave sintetike, mund të dizajnohen video me avatarë virtualë që dërgojnë mesazhet tuaja në një mënyrë shumë tërheqëse, mundësojnë të personalizoni gjuhën, tonin, shprehjet e avatarit dhe më shumë, duke siguruar që videot të rezonojnë me audiencën tuaj të synuar.

➤ Maverick – ofron një zgjidhje inovative të IA për marketing audio, veçanërisht në industrinë e podcast-it. IA përdor algoritme specifike për të automatizuar dhe thjeshtuar procesin e prodhimit dhe promovimit të podcast-it. Maverick mund të optimizojë përmbajtjen tuaj audio, ta shpërndajë atë nëpër platforma të ndryshme, etj.

➤ Descript – është një mjet novator që përdor IA për të transkriptuar, modifikuar dhe përzier përmbajtjen video dhe audio. Është një mjet i shkëlqyer për podkasterët, tregtarët e videove dhe krijuesit e përmbajtjes që synojnë të ofrojnë përmbajtje multimediale me cilësi të lartë.

➤ Oxolo – ofron zgjidhje për krijimin, redaktimin dhe përmirësimin e përmbajtjes video. Kjo platformë përfshin gjithashtu analiza të automatizuara të përmbajtjes, duke ofruar njohuri të vlefshme për t’ju ndihmuar të maksimizoni ndikimin e fushatave tuaja të marketingut me video. Përfshirja e videos dhe audios në strategjinë tuaj të marketingut, e mbështetur nga këto mjete të inteligjencës artificiale, ju lejon të krijoni përmbajtje bindëse dhe tërheqëse që mund të rrisë ndjeshëm dukshmërinë e markës suaj dhe angazhimin e klientit.

 Lehtësimi i analizës së të dhënave

Në botën e sotme të drejtuar nga të dhënat, bizneset janë të përmbytura me sasi të mëdha të dhënash, të cilat, nëse shfrytëzohen siç duhet, mund të ofrojnë informacion e njohuri të paçmueshme për të nxitur rritjen dhe inovacionin.

IA luan një rol kryesor, duke ofruar mjete të sofistikuara për të mbledhur, analizuar dhe interpretuar këto të dhëna, duke i përkthyer ato në strategji të zbatueshme për bizneset.

➤ DataRobot: DataRobot, një platformë e automatizuar e mësimit të makinerive të drejtuar nga IA, fuqizon bizneset të krijojnë dhe vendosin me shpejtësi modele parashikuese. Inteligjenca Artificiale zvogëlon nevojën për ekspertizë të gjerë të shkencës së të dhënave, duke demokratizuar analitikën e të dhënave. Me veçori të tilla si optimizimi i modelit, njohuritë në kohë reale dhe eksplorimi gjithëpërfshirës i të dhënave, i lejon bizneset të marrin vendime të bazuara në të dhëna masive në mënyrë efektive.

➤ RapidMiner: RapidMiner ofron një grup të fuqishëm mjetesh për përgatitjen e të dhënave, mësimin e makinerive, mësimin e thellë, nxjerrjen e tekstit dhe analitikën parashikuese. Inteligjenca Artificiale ofron krijimin dhe vërtetimin e automatizuar të modelit, duke lehtësuar procesin e zbulimit të modeleve dhe tendencave brenda grupeve komplekse të të dhënave. Me RapidMiner, bizneset mund të shfrytëzojnë fuqinë e të dhënave të tyre për të përmirësuar efikasitetin operacional dhe për të hartuar strategji konkurruese.

➤ Alteryx: Alteryx është një platformë e fuqishme analitike e të dhënave që përdor IA dhe mësimin e makinerive për të automatizuar analitikën, përgatitjen e të dhënave dhe vendosjen e modeleve. Ndërfaqja e saj drag-and-drop lejon përdoruesit e të gjitha niveleve të aftësive të manipulojnë të dhënat, të ndërtojnë modele dhe të ndajnë informacione e njohuri ndërmjet tyre. Duke demokratizuar aksesin në shkencën dhe analitikën e të dhënave, Alteryx u mundëson bizneseve të shfrytëzojnë potencialin e të dhënave të tyre për përmirësimin e proceseve dhe nxitjen e rritjes. Integrimi i IA në analitikën e të dhënave paralajmëron një epokë të re të vendimmarrjes së informuar, ku njohuritë e nxjerra nga të dhënat janë të sakta, në kohë dhe me ndikim.

➤ DSS (Decision Support System) – Sistemi i Mbështetjes së Vendimeve (DSS) është një mjet i kompjuterizuar që ndihmon individët dhe organizatat në marrjen e vendimeve të mirëinformuara. Ai kombinon analizën e të dhënave, modelimin dhe ndërfaqet ndërvepruese për të trajtuar probleme komplekse dhe për të ndihmuar vendimmarrësit në fusha të ndryshme. DSS-të ofrojnë qasje në të dhëna në kohë reale, simulim të skenarëve dhe analitikë parashikuese, duke u mundësuar përdoruesve të eksplorojnë opsione të shumta dhe rezultatet e tyre të mundshme. Duke rritur saktësinë e vendimeve dhe duke reduktuar pasigurinë, DSS-të luajnë një rol vendimtar në planifikimin strategjik, efikasitetin operacional dhe avantazhin konkurrues në të gjithë lllojet e bizneseve.

Ndërsa përfundojmë këtë eksplorim në labirinthet e IA, është e qartë se potenciali i saj është i jashtëzakonshëm, transformues dhe në evolucion eksponencial të vazhdueshëm.