Kosova bashkon maxhorancën dhe opozitën, Çuçi-Bardhi flasin për rezolutë të përbashkët

Maxhoranca dhe opozita janë pajtuar për daljen me një rezolutë të përbashkët në Parlament që dënon sulmin terrorist në Kosovë.

Në përfundim të Konferencës së Kryetarëve, kreu i grupit parlamentar të partisë Socialiste Bledi Çuçi bëri me dije se Kryetari i Komisionit të Jashtëm dhe nënkryetari i komisionit do të punojnë në ditët në vijim për të unifikuar qënrimin.

“Ju i keni parë të dy rezolutata dhe besojmë siç ramë dakord që të ulemi së bashku të unifikojmë një rezolutë të vetme. Dhe ata nuk do ta kenë të vështirë për ta unifikuar.

Ne nuk kemi rëzuar interpelancë, kemi bashkuar dy kërkesat për rezolutë dhe interpelancën në një seancë të vetme. Është një veprim procedurial në mbështetje të rregullores”, tha Çuç.

Edhe kreu i grupit parlamentar demokrat Gazment Bardhi, deklaroi se rezoluta e përbashkët duhet të ketë në qendër kërkesën që të ketë një hetim ndërkombëtar për sulmin e 24 shtatorit në Basnjkë.

“Ne dhe PS do të mbështesim qëndrimin e Kosovës, do të duhet të ketë një hetim ndërkombëtar. Nuk mundet që rezoluta e Kuvendi të Shqipërisë, të pasqyrojë nën të, besoj duhet të ketë qenë një lapsus edhe një qëndrim nga i cili grupi parlamentar i PS duhet të tërhiqet që ne të pasqyrojmë qëndrimin e Serbisë në rezolutën tonë.

Ngjarja ka ndodhur në Kosovë dhe qëndrimi i saj ka qenë që të ketë një hetim ndërkombëtar mbi rolin dhe përgjegjësinë e Serbisë, që ne e mbështesim 100%”, tha Gazment Bardhi.

/f.s