VIDEO/ Udhëtimi i fundit i Klajdi Bitrit nga Ankona në Shqipëri, duartrokitje dhe thirrje për drejtësi

Të afërm, miq dhe të njohur kanë shoqëruar në portin e Ankonës arkivolin e Klajdi Bitrit, 23 vjeç, i vrarë ditën e diele, pasi trupi i tij do të varroset në Shqipëri.

Komuniteti shqiptar dhe shokët e tij marshuan duke kërkuar “drejtësi” për vrasjen e 23 vjeçarit.

Tullumbace të bardhë dhe duartrokitje shoqëruan udhëtimin e fundit nga Italia drejt Shqipërisë të trupit të Klajdi Bitrit, 23 vjeçari i vrarë të dielën rreth orës 17:00 me shtizë peshkimi në Sirolo (Ankona).

Sipas prokurorisë italiane, personi që ka tërhequr shtizën e peshkimit është 27-vjeçari algjerian Fatah Melloul, i cili tashmë në burg.

Në rreshtin e parë ndodhet vëllai i Klajdit, Xhuliano dhe më pas janë  miqtë e tij. Teksa ata parakalojnë në portin e Ankonës brohoriten një fjalë të vetme: “drejtësi, drejtësi, drejtësi”.

Arkivoli u mbajt në shpatulla dhe u transportua mbi njëqind metra, deri në kontrollin e portit, me tollumbacet që ngriheshin në qiell./f.s