Kemi një shans të mirë për t’i dhënë fund luftës –

Presidenti amerikan Donald Trump tha se ka në plan të flasë me presidentin rus Vladimir Putin të martën dhe të diskutojë përfundimin e luftës në Ukrainë, pas bisedimeve pozitive mes zyrtarëve amerikanë dhe rusë në Moskë.

“Ne duam të shohim nëse mund t’i japim fund asaj lufte. Ndoshta mundemi, ndoshta nuk mundemi, por mendoj se kemi një shans shumë të mirë. Do të flas me presidentin Putin të martën. Shumë punë janë bërë gjatë fundjavës”, u tha Trump gazetarëve.

Trump po përpiqet të fitojë mbështetjen e Putinit për një propozim armëpushimi 30-ditor që Ukraina pranoi javën e kaluar. Kremlini tha të premten se Putin i kishte dërguar Trumpit një mesazh për planin e tij të armëpushimit nëpërmjet të dërguarit amerikan Steve Witkoff, i cili zhvilloi bisedime në Moskë, duke shprehur “optimizëm të matur” se mund të arrihej një marrëveshje për t’i dhënë fund konfliktit trevjeçar. Në paraqitje të veçanta në shfaqjet televizive të së dielës në Shtetet e Bashkuara, Witkoff, Sekretari i Shtetit Marco Rubio dhe këshilltari i Trump për sigurinë kombëtare, Mike Waltz, theksuan se kishte ende sfida për t’u kaluar përpara se Rusia të pranonte një armëpushim, aq më pak një zgjidhje përfundimtare paqësore për luftën.

Megjithatë, Zelenskiy ka thënë vazhdimisht se sovraniteti i vendit të tij nuk është i negociueshëm dhe se Rusia duhet të dorëzojë territorin që ka kapur. Rusia kapi gadishullin e Krimesë në vitin 2014 dhe tani kontrollon shumicën e katër rajoneve lindore të Ukrainës që kur pushtoi vendin në vitin 2022.