Aktualitet

Sorensen sot në Kosovë – takohet me Osmanin, Kurtin e Bislimin

Përfaqësuesi i ri i BE-së për dialogun Kosovë-Serbi, Peter Sorensen, po zhvillon sot vizitën e tij të parë në Kosovë.

Sipas agjendës zyrtare të Presidencës, Sorensen do të pritet nga presidentja e vendit, Vjosa Osmani, në një takim që pritet të fillojë në orën 09:45.

Më pas, në orën 10:30, emisari evropian do të takohet me kryeministrin në detyrë Albin Kurti.

Ndërsa, pas këtij takimi, emisari danez do të zhvillojë një takim edhe me zëvendëskryeministrin Besnik Bislimi, i cili mbulon procesin e dialogut dhe integrimin evropian.

Sorensen mori detyrën e emisarit për dialogun e Brukselit më 1 shtator të vitit të kaluar.

Këtë pozitë për gati pesë vjet e mbajti sllovaku, Miroslav Lajçak.



#Sorensen #sot #në #Kosovë #takohet #Osmanin #Kurtin #Bislimin
gazetablic.com

Artikuj të ngjashëm

Leave a Reply

Your email address will not be published. Required fields are marked *

Back to top button