Rekord vizitorësh në muzetë e vendit, afro 55 mijë turistë në tre muajt e parë të vitit

Gjatë tre muajve të parë të këtij viti është shënuar rekord i vizitorëve në muzetë kombëtarë. Lajmi bëhet me dije nga kryeministri Edi Rama, i cili ka ndarë edhe shifrat.

Konkretisht, 54,721 turistë kanë vizituar muzetë kombëtarë në tre muajt e parë të këtij viti. Krahasuar me një vit më parë kemi një rritje me 122% të numrit të turistëve që kanë vizituar muzetë kombëtare.

“Rekord i vizitorëve në muzetë kombëtarë. 54,721 turistë kanë vizituar muzetë kombëtarë në periudhën janar-mars 2024, 122% më shumë krahasuar me vitin 2023”, shkruan Rama.