Rooney: Haaland meriton “Topin e Artë”, epoka Messi-Ronaldo ka përfunduar

Erling Haaland po kalon një sezon fantastik me 48 gola në 42 ndeshje, duke qenë vendimtar te skuadra e Guardiolës. Ai është tashmë pretendent për fitimin e “Topit të Artë” këtë sezon.

I këtij mendimi është dhe legjenda e Manchester United, Wayne Rooney, i cili beson “verbërisht” se Haaland do të jetë fituesi i “Topit të Artë”, ndërkohë që theksoi se tashmë ka nisur një “epokë” e re, ajo e Haaland-Mbappe, duke sfumuar atë Messi-Cristiano.

“Kush do ta fitojë Topin e Artë? Patjetër që Haaland. Messi është më i miri i të gjitha kohërave, por tani askush nuk luan më mirë se Haaland. Ai është më i miri në botë. Epoka Messi-Cristiano ka mbaruar, epoka Haaland-Mbappe ka filluar”, tha Rooney.