Lëmosha 5 mijë lekëshe për pensionistët, Meta: Tentativë e Ramës për të blerë vota për zgjedhjet!

5 mijë lekëshe për pensionistët, Meta: Tentativë e Ramës për të blerë vota për zgjedhjet

Kreu i Partisë së Lirisë, Ilir Meta, zhvilloi një bashkëbisedim me gjimnazistët e shkollës ‘Gjergj Cano’ në Tiranë.Gjatë fjalës së tij, Meta u ndal te deklarata e kryeministrit Edi Rama për dhënien e 5 mijë lekëve lëmoshë për pensionistët, duke argumentuar se qëllimi është blerja e votës, pasi më 14 maj do të mbahen zgjedhjet lokale.“Tani u kujtua për pensionistët ai, para zgjedhjeve. Në dhjetor arkëtoi 400 mln euro si rezultat i rritjes së çmimeve. Në vend që t’ua kthente pensionistëve studentëve, këto para ua dha klientëve të vetë për qëllime korrupsioni dhe luksi. Besoj se me Belind Këlliçin si kryetar Bashkie do jetë tjetër transparencë. Një mbledhje këshilli nuk është zhvilluar në katër vjet. Investimet kanë qenë në rënie në Bashkinë e Tiranës”, tha Meta.