Ekzekutohet gjatë fushatës zgjedhore kandidati për president në Ekuador

Një nga kandidatët në zgjedhjet e ardhshme presidenciale të Ekuadorit është qëlluar për vdekje gjatë një tubimi të fushatës së tij elektorale.

Fernando Villavicencio, një anëtar i asamblesë kombëtare të vendit, u sulmua teksa po largohej nga tubimi në qytetin verior të Kuitos.

Një anëtar i ekipit të tij të fushatës i tha mediave vendase se Villavicencio po hipte në një makinë kur një burrë doli përpara dhe e qëlloi në kokë. Presidenti aktual Guillermo Lasso u zotua se “krimi nuk do të mbetet i pandëshkuar”.

Dëshmitarët thanë se Villavicencio, 59 vjeç, u qëllua tre herë. I dyshuari u qëllua gjithashtu në një shkëmbim plumbash me sigurinë dhe më vonë vdiq nga plagët e tij, tha prokurori i përgjithshëm i vendit. Raundi i parë i zgjedhjeve presidenciale në Ekuador është planifikuar të mbahet më 20 gusht.