Inter, lamtumirë San Siro: ja ku do të ndërtohet stadiumi i ri i zikaltërve

Zhvillim i rëndësishëm në shtëpinë e Inter, në këndvështrimin e ndërtimit të stadiumit të ri. Lamtumira nga San Siro, në këtë pikë, po bëhet gjithnjë e më konkrete. E në këtë kuptim regjistrohet marrëveshja mes zikaltërve dhe Bastogi, për ndërtimin e stadiumit në Rozzano.

Marrëveshja në fjalë lidhet me dhënien e një të drejte ekskluzive për studimin e fizibilitetit për stadiumin e ri. Impianti, që do të zëvendësojë San Siro si shtëpia e re e zikaltërve, është i destinuar të ndërtohet në zonën në pronësi të Bastogi dhe Brioschi. Në fakt, një lëvizje e re, duke qene se Inter po planifikonte stadiumin e ri në Asago.

Lexo më tej: Çështja San Siro, Zhang tërbohet me Cardinale: Inter kërkon sqarime për lëvizjen e Milan

KOMUNIKATA

Lajmin e ka dhënë, përmes një komunikatë, vetë kompanitë që zotërojnë zonën në fjalë: “Bastogi e Brioschi Sviluppo Immobiliare S.p.A njoftojnë se sot Infrafin s.r.l. (një kompani në pronësi të plotë të Camabo s.r.l., kapitali aksionar i së cilës mbahet nga Bastogi për 51% dhe nga Brioschi për 49% e mbetur), i dha F.C. Internazionale Milano S.p.A. një të drejtë ekskluzive deri më 30 prill 2024, që synon verifikimin e mundësisë së ndërtimit të një stadiumi dhe disa funksione ndihmëse brenda zonës në pronësi të Infrafin në Komunën Rozzano”.