Shtylla i mohon golin Granit Xhakës, Leverkuseni e sheh Bajernin vetëm 3 pikë larg

Bajer Leverkuseni ka marrë sot një fitore 3-1 kundër Bohumit. Garsia zhbllokoi rezultatin në minutën e 20 për “aspirinat”, por vetëm 6 minuta më vonë Paslaku ktheu sërish baraspeshën. Megjithatë Bajer Leverkuseni arriti ta kthente sërish rezultatin në favorin e vetë në pjesën e dytë të lojës. Bonifejsi tundi rrjetën në minutën e 60 dhe Adli në të 87-n.

Me golin “flirtoi” edhe Granit Xhaka, por goditja e tij në sekondat e fundit të lojës u ndaj nga shtylla. Në fund Leverkuseni triumfoi me shifrat 3-1 dhe tashmë e sheh Bajernin e Mynihut vetëm 3 pikë larg./Sport ekspres/