Dorëhiqet kryebashkiakja e Himarës, socialistët kanë gati emrin e ri

Kryetarja e komanduar e Bashkisë së Himarës Blerina Bala ka dhënë dorëheqjen. A2 CNN mëson se shumë shpejt do të depozitohet dorëheqja e Balës, e cila ende nuk e ka protokolluar, por kjo gjë vetëm çështje orësh, pasi vendimi është i pakthyeshëm.

Mendohet që argumenti i këtij vendimi të kryetares së komanduar ishte për arsye personale dhe pamundësi në realizimin e detyrës.

Tashmë sipas ligjit për funksionimin e pushtetit vendor, do të jetë Këshilli Bashkiak i Himarës që do të mblidhet për të votuar dhe komanduar një tjetër kryetar.

Mësohet se socialistët e kanë emrin dhe gjasat janë të propozojnë Arqile Bollanon.

Blerina Bala u zgjodh drejtuese e re e bashkisë së Himarës, me 15 vota pro në Këshillin Bashkiak, pasi Fredi Beleri dhe Jorgo Goro janë në burg.

Bala ka qenë anëtare e Partisë Socialiste dhe nënkryetare për disa kohë në bashkinë e Himarës.

/a.r