Iu nënshtrua operacionit, Veliaj publikon foto me të birin nga spitali: Kajan na solli vezët e Pashkës

Kryetari i Bashkisë së Tiranës, Erion Veliaj i është nënshtruar ditën e djeshme një ndërhyrjeje kirurgjikale për heqjen e qeses së tëmthit për gurë. Ndërhyrja u krye me sukses nga mjekët e kirurgjisë në QSUT.

Ditën e sotme, kryebashkiaku është vizituar nga djali i tij, Kajan, i cili i ka çuar edhe vezët e Pashkës.

“Lepurushi i vogël Kajan na solli vezët e Pashkës në spital sot! Gëzuar Pashkën, dashuri dhe shëndet të gjithëve!  Mirënjohje për mesazhet e kujdesit, pasdite ju rrëfej pak më shumë për duarartët e zemërbardhët në QSUT!”, shkruan Veliaj.

/a.r