Favorizuan ndërtime pa leje në Ksamil e Sarandë, arrestohen 9 zyrtarë të IKMT, legalizimeve e hipotekës

Disa zyrtarë të IKMT, legalizimeve, hipotekës dhe pushtetit lokal në Sarandë janë arrestuar.

Bëhet fjalë për 13 urdhër-arreste deri më tani, ndërkohë që janë shoqëruar në Polici 9 prej tyre.

Ky hetim është nisur nga Policia dhe Prokuroria Sarandë dhe në pranga kanë rënë punonjës dhe ish-punonjës të institucioneve të mësipërme.

Këta zyrtarë dyshohet se kanë favorizuar ndërtime pa leje në Ksamil, Sarandë dhe zonën e Plazheve.