Arbër Hoxha pas ndeshjes me Betisin: Jam i lumtur, tani fokusi për derbin e fundjavës

Dinamo Zagreb ka luajtur baras me Real Betisin (1-1) në Maksimir, duke kaluar tutje në mesin e 16-të më të mirëve të Ligës së Konferencës.

Një nga individët më të mirë në ekipin e Dinamos ishte anësori Arbër Hoxha, i cili asistoi te Takuru Kanekën për golin e vetëm të Dinamos në këtë ndeshje.

“Ishte një lojë e vështirë, ata shënuan një gol nga gabimi ynë, por ne shënuam në pjesën e dytë dhe patëm shumë mundësi. Më e rëndësishmja është që kaluam”.

“Asistimi im? Jam i lumtur sepse isha pak nervoz para ndeshjes. Tani jemi të përqendruar te Rijeka me të cilën luajmë derbin në fundjavë. Duhet të fokusohemi në atë ndeshje”, tha Hoxha për televizionin Arena Sport.

Hoxha ishte prej më të mirëve në fushë, duke u vlerësuar nga Sofa Score me notën 7.4.

Anësori gjatë dimrit kaloi nga Slaven Belupo te Dinamo Zagreb për 1 milion euro.