Dodik kërcënoi me shkëputjen e Srpska-s dhe përmendi luftën, SHBA: Rri urtë

Amerika nuk do të vëzhgojë me qetësi një përpjekje të mundshme për të shkëputur Republikën Srpska nga Bosnja dhe Hercegovina, i tha ambasada e SHBA-së në Sarajevë sot liderit serb të Bosnjës Milorad Dodik, i cili tha më herët gjatë ditës se Republika Srpska së shpejti mund të shpallë pavarësinë.

Duke reaguar ndaj deklaratës së Dodik se RS do të shpallë pavarësinë sapo Përfaqësuesi i Lartë për Bosnje-Hercegovinën të vendosë një ligj për statusin e pronës shtetërore, gjë që mund të ndodhë që në janar, Ambasada Amerikane kujtoi se subjektet janë të mundshme vetëm si pjesë e shtetit të Bosnjës dhe Hercegovinës dhe jo jashtë tij, ato nuk mund të ekzistojnë dhe të mbijetojnë.

Siç theksuan ata, kushtetuta e Bosnjë-Hercegovinës nuk parashikon të drejtën e shkëputjes as për subjektet dhe as për ndonjë njësi tjetër territoriale administrative.

“Shtetet e Bashkuara të Amerikës e kanë bërë të qartë në mënyrë të përsëritur se do të reagojnë dhe kundërshtojnë veprimin anti-Dayton, që është shkëputja. Milorad Dodik e ka gabim nëse mendon se SHBA-të do të qëndrojnë mënjanë ndërsa ai e shtyn BeH-në në konflikt”, thuhet nw deklaratën e ambasadës amerikane, të cilën e raportuan nga mediat vendase.