Inzaghi: Viti 2023 ishte i mrekullueshëm, ndaj Genoa duhet të bëjmë kujdes

Në prag të ndeshjes kundër Genoa, trajneri i Interit, Simone Inzaghi bëri një bilanc të vitit 2023 të zikaltërve.

“Ishte një vit plot kënaqësi, fituam dhe patëm një finale frymëzuese të Champions League. Kemi shumë ambicie dhe po shikojmë vitin 2024 me shumë entuziazëm.

Ndaj Genoa do të jetë një ndeshje e vështirë, ata janë në një moment të shkëlqyer dhe kanë lojtarë cilësorë, me një trajner të përgatitur që po bën mirë. Do të duhet të bëjmë një ndeshje të kujdesshme”, ka thënë ndër të tjera trajneri i Interit.