“S’ka krizë në Shqipëri, por në PD”, Çuçi : Ja pse nuk pranohen kërkesat e opozitës për ngritjen e komisioneve hetimore

Kreu i Grupit Parlamentar të Partisë Socialiste, Bledi Çuçi është ndalur të flasë për mediat, pas përfundimit të seancës e cila zgjati vetëm 5 minuta për miratimin në parim të buxhetit për vitin 2024.

Ai u shpreh se Kuvendi nuk është krizë, por është Partia Demokratike në krizë.

“Parlamenti nuk është në krizë. Në krizë është PD” , tha ai shkurtimisht.

I pyetur nga gazetarët edhe për mos lejimin e opozitës për ngritjen e komisioneve hetimore, Çuçi tha se ajo është një e drejtë kushtetuese e saj dhe se nuk janë ata që nuk po i lejojnë, por Gjykata Kushtetuse, e cila thotë se objekti duhet të plotësojë disa kushte specifike.

“Ke vargu i atyre që përmende shto edhe grupin e PS që thotë se është e drejtë kushtetuese ngritjen e komisioneve. Por sic ka thënë Gjykata Kushtetuese, duhet që objekti të plotësojë disa kushte. Të paktën 3 kërkesat e fundit të opozitës, të treja kërkesat kanë mangësi në objekt.

Konkretisht, objektet e komisioneve hetimore që ka kërkuar opozitë është një objekt i përgjithshëm dhe jo specifik. E dyta e drejta kushtetuese nuk e kthen automatikisht nuk e kthen parlamentit në një super organ.

Nëse  plotësohen këto mangësi askush nuk e pengon” shtoi ai.

Çuçi tha jashtë Kuvendit se nuk flitet për buxhetin me tymuese dhe se opozita duhet të ishte duke diskutuar dhe duke paraqitur alternativa.

Nuk do ta lëmë Shqipërinë pa buxhet, nuk ka krizë Shqipëria krizë është opozita, PD-ja”, – tha Çuçi për gazetarët./m.j

#Ska #krizë #në #Shqipëri #por #në #Çuçi #pse #nuk #pranohen #kërkesat #opozitës #për #ngritjen #komisioneve #hetimore
Java News