Izraeli nxjerr audio-përgjimin: Spitali në Gaza u godit nga Xhihadi Islamik

Ushtria izraelite publikoi audion e një bisede telefonike që sipas saj është zhvilluar mes dy militantëve të Hamasit. Gjatë telefonatës, njëri njofton tjetrin se raketa që ra në spitalin e Gazës dhe ku u vranë 500 persona është lëshuar nga Xhihadi Islamik.

“Ata e lëshuan atë nga varrezat pas spitalit Al-Ma’amadan. Ajo shkrepi gabim dhe ra mbi ta” – thuhet ndër të tjera në bisedë. Vetë Hamasi dhe Xhihadi Islamik i kanë mohuar akuzat.

I PLOTE TEKSTI I BISEDËS AUDIO

– Po them se është hera e parë që shohim një raketë që bie si kjo dhe për këtë arsye po them se i përket Xhihadit Islamik.

– Çfarë?

– Ata thonë se ai i përket Xhihadit Islamik.

– Po vjen tek ne?

– Kështu duket.

– Kush e thotë këtë?

– Po thonë se predha e raketës është predhë lokale dhe jo si predhat izraelite.

– Cfare po thua?

Heshtje.

– Po aman o Zot, a nuk mund të gjenje një vend tjetër për të shpërthyer?

– Nuk ka rëndësi, po, e hodhën nga varrezat pas spitalit.

– Çfarë??

– Ata e hodhën atë nga varrezat pas spitalit Al-Ma’amadani, dhe ajo shkrepi gabim dhe ra mbi ta.

– A ka ndonjë varrezë pas saj?

– Po, El-Ma’amadani ndodhet pikërisht në kompleks.

– Ku është, kur hyn në kompleks?

– Fillimisht hyn në kompleks dhe shkon drejt qytetit, dhe është në anën e spitalit Al-Ma’amadani.

– Po, e njoh.