“Videot e maceve janë gjithnjë virale”, The Guardian lojëra fjalësh për të tallur autogolin e bujshëm të Gatti

Sassuolo-Juventus ishte një ndeshje që bardhezinjtë duhet ta lënë pas sa më parë dhe ta harrojnë shpejt. Një disfatë që ishte rezultat i gabimeve të bujshme. Sikur të mos mjaftonte ai i portierit Szczesny në golin e parë, erdhi autogoli i çmendur i Federico Gatti në fund të ndeshjes.

TALLJE NGA ANGLIA

Ndoshta ishte ndër autogolët më të çuditshëm dhe më të pakonceptueshëm në historinë e futbollit. Mbrojtësi i Juventus Gatti mori një top të pasuar nga Szczesny, i cili ishte pothuajse pranë flamurit të këndit. Mbrojtësi bardhezi pa u menduar, por ndoshta i bindur se portieri polak ishte kthyer tashmë mes shtyllave, ktheu topin në drejtim të portës së tij. Autogol sensacional dhe 4-2 për Sassuolo. Videoja e veprimit fatkeq filloi të qarkullonte në rrjetet sociale dhe arriti edhe në Angli, ku lojërat e fjalëve dhe talljet ishin të shumta.

MACE E GATTI

Gazeta angleze The Guardian ka komentuar katastrofën e Juventus me një artikull ku nënvizonte gabimin e futbollistit Gatti. Por më pas erdhi gjenialiteti, që u vu në dukje edhe nga tifozët të cilët komentuan videon e autogolit: Gatti në anglisht përkthehet Cats (mace), duke shtuar se: “Videot e maceve janë gjithmonë virale në rrjetet sociale”. Një lojë fjalësh qesharake, që mund të zbehë zhgënjimin e lojtarit.