Luis Enrique nuk e do Marco Verratti te PSG: “Me mua nuk do luash kurrë”

Koha e Marco Verratti te PSG ka mbaruar. E Luis Enrique, trajneri i skuadrës parisiene këtë sezon, e bëri italianin ta kuptojë në mënyrë jo shumë elegante. “Nuk do të luash kurrë me mua” i ka thënë spanjolli mesfushorit italian, që në fillim të gushtit. Deklarata është bërë në prani të drejtorit sportiv Campos e nga atëherë ka pasur shumë zhurmë rreth mesfushorit, por asgjë konkrete. Tani rruga më e qartë e çon italianin në Katar.

Marco Verratti nuk është jashtë skuadrës, as nuk stërvitet individualisht, por e di që nuk ka vend për të në PSG 2023/24. Vetë mesfushori ka nisur të meditojë lamtumirën që në maj, por ndryshe nga sa pritej, oferta e duhur nuk ka ardhur ende. E gjërat mund të mos shkojnë siç i kishte planifikuar ai. PSG u pengua në negociatat me Al Hilalin për shkak të një çmimi që nuk i kaloi asnjëherë 45 milionë euro. Më pas erdhi Al Ahli i cili, megjithatë, fillimisht duhet të shesë një të huaj, me ndihmën e Neymar.

Lexo më tej: Video/ Mbappé kthehet me gol te PSG, por Luis Enrique nuk di të fitojë: krizë për Lyon

Megjithatë, deri më sot, destinacioni më i mundshëm për Marco Verratti është gjithmonë në ato gjerësi gjeografike. Vetëm se jo në Arabinë Saudite, por në Katar. Al Arabi është gati të paguajë 50 milionë euro të kërkuara nga PSG dhe t’i ofrojë lojtarit një nënshkrim luksoz. Një mundësi për ta bërë të pranojë një destinacion që është ndoshta më pak i mirëpritur sesa në Arabinë Saudite.