FOTOT/ Peleshi: Kontingjenti i dytë pjesë në stërvitjen shumëkombëshe “Platinum Lion-23” në Bullgari

Ministri i Mbrojtjes Niko Peleshi, bëri të ditur se, kontingjenti i dytë i Batalionit 3 të Këmbësorisë, mori pjesë në stërvitjen e përbashkët shumëkombëshe “Platinum Lion-23” në Bullgari.

Peleshi tha se, kjo stërvitje kishte synim, përmirësimin e aftësive operacionale në kryerjen e veprimeve të përbashkëta luftarake në një mjedis shumekombësh, kjo stërvitje konfirmoi vullnetin e fortë dhe profesionalizmin absolut të trupave të përfshira në kryerjen e detyrave.

“Krenari për ne të shohim se efektivët e FA, janë të përgatitur dhe të aftë për të përballuar sfidat e luftës në bashkëpunim me aleatët tanë”, u shpreh ministri.

Peleshi vuri në dukje, angazhimin e FA dhe përkushtimin maksimal në ruajtjen e paqes dhe sigurisë në rajon.

“Krenarë për kontributin tonë në forcimin e bashkëpunimit ndërkombëtar”, tha ai.