Aksident ajror në Francë, momenti kur 2 avionë luftarakë përplasen në qiell (VIDEO)

Një aksident me dy avionë luftarakë Alpha Jet ka ndodhur në Francë. Lajmin e bëri të ditur ministri i Forcave të Armatosura të vendit, Sebastien Lecornou ndërsa mësohet se avionët merrnin pjesë në një provë demonstruese. Dy avionët u përplasën pranë bazës ajrore Saint-Dizier 113, thanë Forcat Ajrore Franceze.

Nga ana tjetër, 2 pilotët e avionit dhe një pasagjer fatmirësisht shpëtuan teksa njoftohet se ata u gjetën të vetëdijshëm, por me lëndime. Një nga tre personat e përfshirë në aksident është raportuar nga organet kompetente si “i plagosur shumëfish”.

Siç është raportuar, një nga avionët e përfshirë në aksident është përplasur me një kapanon, duke shkaktuar zjarr.

“Shërbimet e urgjencës janë mobilizuar dhe koordinimi ndërmjet Ministrisë së Brendshme dhe Ministrisë së Forcave të Armatosura është siguruar”, tha Lecornou.

Un accident impliquant deux Alpha Jet de la patrouille de France vient d’avoir lieu à Saint-Dizier, dans l’est de la France. Deux avions sont «entrés a priori en collision». Les deux pilotes et un passager ont pu s’éjecter et ont été «retrouvés conscients». pic.twitter.com/FLSKpSlngp

— Le Figaro (@Le_Figaro) March 25, 2025