Nuk ishte i grumbulluar shkaku i operimit, Mario Mitaj ishte tifozi i flaktë i kombëtares mbrëmë

Mbrojtësi shqiptar, Mario Mitaj ishte dje prezent në “Air Albania”, por kësaj radhe si tifoz, jo si lojtar.

Mitaj i cili është një nga lojtarët më të rëndësishëm të kombëtares kuqezi, nuk ishte pjesë e grumbullimit të marsit, shkaku i një lëndimi që kishte pësuar me Al Ittihad, shkruan Sport.

Lojtari u operua para pak ditësh, teksa nuk ishte gati për duelet ndaj Anglisë dhe Andorrës.

Megjithatë, ai zgjodhi që mbrëmë të jetë prezent në Tiranë, duke përkrahur nga tribunat VIP ekipin kombëtar.

Ja pamjet: