Anulohet takimi Mitsotakis-Erdogan?! Çfarë thotë zyrtari grek! Arrestimi i kryebashkiakut të Stambollit krijon “hije” në raportin midis dy vendeve!

Zëdhënësi i qeverisë greke Pavlos Marinakis deklaroi se zhvillimet e fundit në Turqi po krijojnë sfida të rëndësishme për organizimin e Këshillit të Lartë dypalësh të Bashkëpunimit midis Greqisë dhe Turqisë.

Vërejtjet e tij lanë të kuptohet se një takim midis kryeministrit grek Kyriakos Mitsotakis dhe presidentit turk Rexhep Tajip Erdogan nuk ka gjasa të zhvillohet së shpejti.

Ai u përgjigj në një pyetje në një konferencë për media në lidhje me gjasat e një takimi midis dy liderëve në sfondin e arrestimit të kryebashkiakut të Stambollit Ekrem Imamoglu.

Takimi midis Mitsotakis dhe Erdogan, i planifikuar fillimisht për 8 prill, nuk ishte finalizuar, pasi diskutimet midis Athinës dhe Ankarasë ishin ende në fazat e tyre përfundimtare përpara se të shfaqej kriza politike e Turqisë.

Situata në Turqi “është në dinamikë dhe shqetësuese”

“Duke pasur parasysh këto zhvillime, organizimi i Këshillit të Lartë për Bashkëpunim midis Greqisë dhe Turqisë është bërë menjëherë i vështirë”.

Ai tha se çështja mund të diskutohet nga ministrat e jashtëm të
dy vendeve në samitin e ministrave të jashtëm të NATO-s në Bruksel në fillim të prillit.