Janë edhe 90 minuta të tjera, gjithçka është e hapur –

Milani është mposhtur në transfertë nga Fejnordi me rezultatin minimal 1-0. Megjithatë, trajneri i kuqezinjve nuk e ka humbur besimin te kualifikimi në fazën tjetër të Ligës së Kampionëve. Konseisao ka thënë për mediat se janë edhe 90 minuta të tjera për t’u luajtur dhe se kalimi i “play off”-it është ende i mundur.

“Duhet të bënim më shumë. Në Roterdam është një mjedis i vështirë. Duhet të motivoheshim edhe ne, megjithatë ndodhi e kundërta. Kishim rastet tona për të barazuar, por është ende ndeshja e kthimit. Nuk ka përfunduar ende. Është gjithçka e hapur. Kam pak kohë për të për të punuar dhe ky është një problem”, ka thënë Serxho Konseisao./Sport Ekspres/