VIDEO / Grabisnin banesa e markete, arrestohen dy persona në Tiranë

Dy persona janë vënë në pranga në Tiranë për vjedhje të banesave dhe të marketeve, me finalizimin e operacionit të koduar policor “Shadow Hunt”,

Janë zbardhur dhe dokumentuar 6 raste të vjedhjeve, që dyshohet se janë kryer nga E. G., 34 vjeç, banues në Bulqizë dhe O. L., 38 vjeç, banues në Tiranë.

Nga tërësia e veprimeve hetimore të kryera ka rezultuar se dy të arrestuarit janë autorë të vjedhjeve në disa banesa, konkretisht:

– Më datë 29.12.2024 kanë vjedhur një shumë parash në banesën e shtetasit M. N.

– Më datë 12.01.2025 kanë vjedhur një shumë parash në banesën e shtetasit H. M.

– Më datë 22.01.2025 kanë vjedhur artikuj të ndryshme në marketin e shtetases M. K.

– Më datë 24.01.2025 kanë vjedhur disa sende me vlerë në banesën e shtetasit O. P.

– Më datë 27.01.2025 kanë vjedhur një shumë parash në banesën e shtetases L. H.

– Më datë 02.02.2025 kanë vjedhur shumën prej 7000 euro në farmacinë e shtetasit D. J.

Ata i studionin vendet dhe banesat që vidhnin dhe vepronin në orët e vona të natës, duke hyrë nga dritarja apo çatia e banesave.

Në cilësinë e provës materiale janë sekuestruar një shumë parash prej 1600 euro, të cilat kanë rezultuar të vjedhura në banesat e lartpërmendura.