Ushtarët letonezë të KFOR-it kryejnë patrullime rutinë në Zubin Potok

Ushtarët letonezë të KFOR-it të udhëhequr nga NATO kanë kryer një patrullim rutinë në veri të Kosovës, respektivisht në Zubin Potok për të siguruar stabilitetin dhe lirinë e lëvizjes.

Sipas një postimi në rrjetin social në Facebook bëhet e ditur se këto përpjekje janë pjesë e misionit të përditshëm të KFOR-it për të garantuar një mjedis të sigurt për të gjitha komunitetet që jetojnë në Kosovë.

“KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt dhe të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme”, thuhet në postim.

Po ashtu sipas postimit thuhet se KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX) në rolet e tyre përkatëse si reagues të sigurisë.