VIDEO/ Kvaratshkelia konfirmon transferimin te PSG-ja, jep mesazh lamtumire për Napolin –

Kvaratshkelia do të largohet nga Napoli. Zërat e merkatos janë konfirmuar nga vetë futbollisti gjeorgjian. Lojtari 23-vjeçar ka përshëndetur tifozët me anë të një videoje lamtumire. Gjeorgjiani do të vazhdojë karrierën e tij në Paris, atje ku do të mbajë veshur fanellën e PSG-së.

Napoli do të përfitojë rreth 70 milionë euro nga shitja e yllit të skuadrës. Ndërkohë vetë Kvaratshkelia do të marrë në llogarinë e tij bankare 11.8 milionë euro në sezon. Një shifër mbi 6 herë më e lartë se rroga aktuale që merr te Napoli, 1.8 milionë euro./Sport Ekspres/