Champions League, UEFA nuk fal: sanksione për Inter e Milan

Praktikisht ishte e pashmangshme. UEFA, ditën e sotme, ka sanksionuar Inter dhe Milan për sjelljen e dy tifozerive gjatë gjysmëfinales së dyfishtë të Champions League. Në këtë rast, Milan u gjobit me 20,000 euro për pengimin e rrugëve të kalimit. Shumës i shtohen edhe  8,750 euro, për ndezjen e materialit piroteknik. E gjitha ka të bëjnë me ndeshjen e parë më 10 maj, të luajtur në shtëpinë e kuqezinjve dhe të fituar nga të besuarit e teknikut Inzaghi 0-2.

Lexo më tej: Inter, arkëtimet nga Champions League arrijnë gati 100 milionë euro: e mungon ende finalja

Sa i përket ndeshjes së dytë, Inter u gjobit me 22,000 euro për pengimin e rrugëve të kalimit. 5,000 euro gjobë erdhën për pushtimin e fushës dhe 14,250 euro në total për ndezjen e materialit piroteknik. Pikërisht kështu, sepse 3,750 ishin për ndeshjen e parë dhe 10,500 për kthimin. Kështu, UEFA ka aplikuar gjoba në një total prej 28,750 € për Milan dhe 41,250 € për zikaltrit.