Firmoset marrëveshja në Bruksel/ Rama: Nga sot, Shqipëria pjesë e Programit të Europës Digjitale
Nga sot Shqipëria do të jetë pjesë e Programit të Europës Digjitale. Lajmi është bërë me dije nga kryeministri Edi Rama, i cili përmes një mesazhi në rrjetet sociale shkruan se “me firmosjen e marrëveshjes në Bruksel, Shqipëria, Serbia, Maqedonia e Veriut dhe Mali i Zi do të jenë pjesë e Europës Digjitale”.
Rama thekson se nga sot qytetarët, bizneset dhe institucionet publike do të kenë mundësi të aplikojnë në programin e ri financues të BE-së prej gati 7,5 miliard euro.
“Lajm i mirë! Nga sot Shqipëria do të jetë pjesë e Programit të Europës Digjitale.
Sot me firmosjen e marrëveshjes në Bruksel, Shqipëria, Serbia, Maqedonia e Veriut dhe Mali i Zi do të jenë pjesë e Europës Digjitale ku qytetarët, bizneset, institucionet publike do të kenë mundësi të aplikojnë në programin e ri financues të BE-së prej gati 7,5 miliard Euro.
Agjenda digjitale e cila është një nga shtyllat kryesore të qeverisë shqiptare tashmë do të mbështetet edhe nga programet e BE”- shkruan Rama./m.j
#Firmoset #marrëveshja #në #Bruksel #Rama #Nga #sot #Shqipëria #pjesë #Programit #të #Europës #Digjitale
