Asllani i tund rrjetën Serbisë, suedezet shkatërrojnë serbet me 6 gola dhe kualifikohen në Europian –

Ekipi kombëtar i Suedisë për vajza është kualifikuar për në EURO 2025. Suedezet kanë shkatërruar sot Serbinë me rezultatin e thellë 6-0. Në goleadën e verdhebluve kishte vend edhe për Kosovare Asllanin. Lojtarja me origjinë shqiptare shënoi golin e dytë të takimit në minutën e 19.

Kjo ishte ndeshja e kthimit të fazës “play off” mes këtyre dy Kombëtareve. Ballafaqimi i parë mes tyre kishte përfunduar po me fitoren e Suedisë. Vajzat e ekipit kombëtar suedez kanë siguruar kualifikimin për në EURO 2025 me rezultatin e përgjithshëm 8-0./Sport Ekspres/