VIDEO/ Granit Xhaka u vërshëllye sa herë prekte topin, trajneri i Serbisë e përshëndet pas ndeshjes –

Granit Xhaka udhëhoqi sot Zvicrën me shiritin e kapitenit në krahë në Leskovac. Mesfushori me origjinë shqiptare nuk zhgënjeu në fushën e lojës. Pavarësisht koreve “Kosova është Serbi”, lojtari i Bajer Leverkusenit nuk e humbi në asnjë moment qetësinë.

Megjithatë, klasi i tij nuk mjaftoi për Zvicrën, e cila u mposht me shifrat 2-0. Granit Xhaka u prit në mënyrë të ashpër nga tifozeria serbe, e cila e vërshëllente në çdo çast që ai prekte topin. Ndërkohë, marrëdhënia me trajnerin e Serbisë këtë herë ishte ndryshe nga 2 vite më parë në Katar. Të dy u përshëndetën dhe i dhanë dorën njëri-tjetrit pas përfundimit të ndeshjes./Halit Delibashi-Sport Ekspres/