Horror në Tetovë/ Burri vret gruan dhe të bijën e mitur, djali 9-vjeçar në gjendje të rëndë

Një ngjarje e rëndë ka tronditur ditën e sotme në Maqedoninë e Veriut, ku një burrë ka vrarë gruan e tij 38-vjeçare dhe vajzën e tyre të mitur, ndërsa djali 9-vjeçar ndodhet në spital në gjendje të rëndë shëndetësore.

Ngjarja tragjike ka ndodhur në fshatin Sallatinë në Tetovë. Mediat raportojnë se ka qenë nëna e 38-vjeçares e cila ka gjetur pa jetë vajzën dhe mbesën dhe ka njoftuar menjëherë policinë.

Ajo ka shkuar në banesë pasi e bija nuk i kishte hapur telefonin. Ndërkohë është arrestuar autori i krimit.

Policia dhe prokuroria ndodhen në vendngjarje dhe po hetojnë mbi rastin.