Berat Gjimshiti është në lartësinë e duhur në Champions, merr notën më të lartë te Atalanta –

Berat Gjimshiti vazhdon të tregojë nivel të lartë në fushën e lojës. Mbrojtësi shqiptar është në lartësinë e duhur edhe në Ligën e Kampionëve. Lojtari 31-vjeçar ka bllokuar me sukses aksionet e Arsenalit, duke ndihmuar ekipin e tij ta mbajë rrjetën të paprekur.

Gjimshiti është vlerësuar me notën 7 në barazimin 0-0 kundër Arsenalit. Kjo është nota më e lartë e dhënë nga “Tuttomercatoweb”-i sa i përket ekipit të Atalantës.

“Më pak gabime në krahasim me ndeshjen ndaj Fiorentinës, luan me më shumë vëmendje pa pësuar praktikisht asgjë”, ka shkruar media italiane për paraqitjen e kryer nga Berat Gjimshiti./Halit Delibashi-Sport Ekspres/