Tre të vrarë dhe 87 të plagosur nga sulmet izraelite në port të Jemenit

Të paktën tre persona u vranë dhe 87 të tjerë u plagosën në sulmet ajrore izraelite në një port të Jemenit, kanë thënë rebelët Houthi, një ditë pasi grupi i mbështetur nga Irani pretendoi një sulm vdekjeprurës në qytetin izraelit të Tel Avivit.

Forcat e Mbrojtjes së Izraelit thanë se avionët e saj luftarakë goditën “objektivat ushtarake të regjimit terrorist Houthi” në zonën e portit Hodeidah të Jemenit të shtunën, në atë që kryeministri izraelit, Benjamin Netanyahu tha se ishte një përgjigje e drejtpërdrejtë ndaj vdekjes së një 50-vjeçari izraelit në një sulm me dron nga Houthi në Tel Aviv të premten, raporton CNN.