Çerekfinale të zjarrta, sot mësohen dy gjysmëfinalistët e tjerë të Euro 2024

Sot zhvillohen dy ndeshje të zjarrta çerekfinale për Kampionatin Evropian Euro 2024.

Zvicra e Xhakës do ketë punë me Anglinë e Gareth Southgate për të ‘luftuar’ për një biletë për në gjysmëfinale me fillim nga ora 18:00, shkruan Sport.

Në anën tjetër, Holanda ballafaqohet me Turqinë që deri tani ishte befasia e këtij Kampionati Evropian. Takimi mes këtyre dy kombëtareve zhvillohet nga ora 21:00.

Kujtojmë që mbrëmë, Spanja dhe Franca kaluan në gjysëmfinale, pasi eliminuan Gjermaninë, respektivisht Portugalinë.

/ Sport/