‘Ka bërë vrasje…’/ Avokati: Meta-Kryemadhi, magazinë e madhe korrupsioni. Sulmet e Ilirit ndaj SPAK tregojnë se i ka vajtur thika në palcë

Avokati Idajet Beqiri thotë se çifti Ilir Meta dhe Monika Kryemadhi, në 30 vite ka qenë një magazinë e madhe korrupsioni dhe e krimit të organizuar.

Në një intervistë për “Tirana Live” në ABC News, Beqiri u shpreh se Ilir Meta, për korrupsion, ka kryer edhe vrasje. Sipas Beqirit, veprimet e Metës dhe sulmet e tij ndaj SPAK, tregojnë se i ka vajtur thika në palcë.

“Problemi i çiftit Kryemadhi-Meta në këto 30 vjet e kusur, është një magazinë e jashtëzakonshme e pafundme korrupsioni, krimi të organizuar.

Për korrupsion, Ilir Meta ka bërë edhe vrasje. Ka menduar se kurrë nuk do të ndëshkohej, ka menduar se ishte më i forti i këtij vendi. I ka bërë shumë banale këto krime, posaçërisht vjedhjet skandaloze.

Nuk ka privatizim, konçension, pa futur duart e pista Monika Kryemadhi dhe Ilir Meta. Ulërimat e tij, dalja nga vetja e tij, kemi parasysh edhe atë varenë që donte të thyente shtyllën e betonit, këto bëhen, edhe sulmi kundër SPAK, janë sepse i ka vajtur thika në palcë. Ndaj tij, akuzat e rënda për vjedhjet e paskrupullta, SPAK ka filluar me rrënjë”, theksoi ai.