Tërmeti 5.1 ballë shkundi Greqinë, sizmiologu i njohur ngre alarmin: Nuk e dimë nëse ishte kryesori

Një tërmet 5.1 Rihter ka tronditur banorët e Kretës jugore mbrëmjen e së enjtes, 18 maj, konkretisht në orën 21:58 në zonën e Mesarës. Shërbimi Gjeologjik i SHBA-së dhe Instituti Sizmologjik Evropian-Mesdhetar (EMSC) kanë regjistruar tërmetin me magnitudë 5.2 Rihter.

Sizmologët janë treguar të kujdesshëm pas lëkundjeve të njëpasnjëshme të tërmeteve në Kretë. Sizmologu Gerasimos Papadopoulos ka paralajmëruar qytetarët dhe autoritetet kompetente, dhe po tërheq vëmendjen për në orët në vijim pasi ende nuk dihet nëse ky është tërmeti kryesor.

Gjatë natës ka pasur disa pasgoditje të dukshme, ku më i madhi prej 4.2 Rihter (matja EMSC) ka ndodhur në orën 02:52 pas mesnate (në fillim të së premtes 19/5). Ka pasur edhe tre tërmete të tjera me magnitudë 3, përkatësisht 3.9, 3.1 dhe 3.3.

Sizmologu Gerasimos Papadopoulos duke folur për ERT tha se është ende herët për të ditur nëse është tërmeti kryesor, megjithatë është një pikë mjaft interesante nga pikëpamja studimore, sepse kërkon shumë vëmendje.

“Tërmeti u ndje në pjesën më të madhe të ishullit. Kanë pasuar disa pasgoditje, me magnitudë më të vogël, ku më i madhi prej tyre është 3.9 Rihter”, tha Papadopoulos, duke theksuar se aktiviteti sizmik është i vazhdueshëm.

“Duhet një kujdes sepse nuk ka prova plotësisht të mjaftueshme shkencore, dhe nuk duhet të japim imazhin e rremë të vetëkënaqësisë. Është shumë herët. Por sekuenca intensive sizmike që pasoi tërmetin 5.9 Rihter është mjaft inkurajuese, duke dhënë përshtypjen e dobët të një tërmeti të madh. Nuk është një nga zonat sizmike më aktive të Kretës dhe zonës greke, por të gjitha provat tregojnë se duhet shumë vëmendje”, shtoi ai.

Papadopoulos tërheq vëmendjen e qytetarëve dhe autoriteteve për të monitoruar fenomenin, dhe vlerëson se tërmeti në Moiras të Heraklionit nuk ka lidhje me tërmetin e vogël të ndodhur dje në Arkalochori.