Marco Reus shumë i emocionuar: Jam sërish në finale, askush nuk do të pyesë nesër se si kemi arritur deri këtu

Borussia Dortmund ka siguruar finalen e madhe në Ligën e Kampionëve.

Skuadra gjermane ka triumfuar edhe në ndeshjen e dytë ndaj PSG-së, duke regjistruar një sukses të jashtëzakonshëm, shkruan Sport.

Rezultati përfundimtar i ndeshjes së sotme ishte 0 me 1, kurse rezultati i përgjithshëm ishte 0 me 2.

Marco Reus: “I papërshkrueshëm ky gëzim. Pas më shumë se 10 vitesh, jam sërish në finale me Borussia.”

“Si e fituam ndeshjen, askush nuk do të pyesë nesër. Gjuajtjet dhe shtyllat nuk do të kenë rëndësi nesër. Ajo që ka rëndësi është që Dortmundi është përsëri në finale. Askush nuk e priste këtë.”

/ Sport/