Ilir Metaj, ironi tek ;Shëndetësia’: Nuk jemi në “Albana Vokshi Fun Club”. Skenarët e shkruar nga ju…!

Anëtari i mazhorancës në Komisionin Hetimor të Shëndetësisë, Ilir Metaj ka ironizuar kryetaren e komisionit Albana Vokshi.

Ai u shpreh se aty janë në komision, jo në “Albana Vokshi Fun Club”.

Metaj shtoi se anëtarët e opozitës mund të duan që komisioni të mbushet vetëm me opinionet e tyre, por komisionet hetimore nuk funksionojnë në këtë mënyrë.

“Për fat të mirë apo të keq jemi në komisionin hetimor të shëndetësisë dhe jo në Albana Vokshi Fun Club
Nuk pranojmë rolin e statistikës në skenarin e shkruar nga ju.
Mund të doni që koha e komisionit të mos ketë opinionet tona dhe të mbushet me zhurmën e zërit tuaj të artikuluar por nuk funksionon kështu”, tha ai./m.j