Kiara tregon të gjitha detajet dhe sikletet e shtatzënisë në “Cherry on Top”

Kiara Tito, e ftuar në “Cherry on Top”, ka rrëfyer disa detaje të shtatzënisë së saj dhe pritjes së ëmbël të bebushes që së shpejti do të vijë në jetë. Fillmisht, Kiara tregoi se bebushes do t’i nisë emri me shkronjën “L”, për shkak se edhe Luizi, edhe i ati i tij, kanë pasur si nistore të emrave shkronjën L.
“E kemi menduar. E kemi zgjedhur pas shumë muajsh kërkimet. Nuk mund ta them të gjithë emrin, por do të them shkronjën e parë: Fillon me L”, tha Kiara.
Kiara tregoi se preferon emra jo shumë të gjatë, mundësisht me tre shkronja dhe se një ndër propozimet ishte emri “Liv”, të cilin Luizi nuk e ka pëlqyer, pasi dëshiron një emër më potent.
Moderatorja tregoi se “bebi s’i ka lënë gjë Luizit”. “Tek ekoja 3D, duket sikur vajza s’i ka lënë gjë Luizit, ka tiparet e tij”, tha ajo, si dhe rrëfeu se sapo bebushja dëgjon zërin dhe këngët e të atit, nis të lëvizë brenda barkut të mamit.
Ajo tregoi edhe se ka shtuar rreth 25 kg, të cilat i ka marrë pas muajit të shtatë, sigurisht, edhe se ka probleme me gjumin. “Mezi prej të shtrihem një herë përmbys e të fle rehat”, tha Kiara, duke shtuar edhe se tani për Luizin s’ka vend për të fjetur në krevat, për shkak se gërhet dhe nuk do ta bezdisë, por edhe se Kiara ka marrë një jastëk gjigant dhe ndonjëherë e gjen Luizin duke rënë nga krevati.