‘Vdekje për Vinicius’, futbollisti brazilian po përballet me ofendime të mëdha nga tifozët në La Liga

Nuk ka asnjë fitore apo paraqitje të Vinicius Junior pa polemika dhe skena u përsërit në ndeshjen e pasdites së kësaj të shtune në shtëpinë e Osasuna, ku Real Madrid fitoi 4-2 me një dygolësh të brazilianit.

Në tribunat e stadiumit u kënduan thirrje që shkaktuan reagime të mëdha, transmeton Sport.

“Vdekje për Vinicius, vdekje për Vinicius”, u dëgjua gjatë lojës, e cila ishte arsyeja që lojtari të festonte golin e dytë me dorë në vesh, si për të thënë këndojeni tani…

Kujtojmë që gjatë ndeshjes së fundit Atletico Madrid-Napoli në Champions League, të njëjtat thirrje u dëgjuan edhe jashtë Wanda Metropolitano.

/ Sport/