Ish-kryeministri i Tajlandës lirohet me kusht

Ish-kryeministri i dënuar i Tajlandës, Thaksin Shinawatra, ka mbërritur në rezidencën e tij në kryeqytetin Bangkok, pasi u lirua me kusht.

Miliarderi u lirua nga një spital policor, ku po vuante një vit burg për korrupsion dhe shpërdorim detyre, shkruan BBC, transmeton Klankosova.tv.

Thaksin, 74 vjeç, u arrestua sapo u kthye në Tajlandë gushtin e kaluar nga 15 vjet në mërgim të vetë-imponuar.

Ai nuk kaloi asnjë natë në burg pasi u ankua për probleme shëndetësore.