Kryetari i KQZ-së, Kreshnik Radoniqi, ka bërë të ditur se tashmë ka filluar numërimi i fletëvotimeve nga procesi i zgjedhjeve në veri.Ai tha se ky proces nuk ka pasur ndonjë incident të theksuar, dhe se sa i përket anës teknike dhe organizative, gjithçka ka shkuar në rregull.
Tutje ai ka treguar për secilën komunë, numrin e votuesve që kanë marrë pjesë.
“Të gjitha qendrat e votimit janë mbyllur, anëtarët e këshillit janë duke e bërë numërimin e fletëvotimit. Nr i qytetarëve që kanë votuar: Leposaviq, 141 votues 1.06%, Zubin Potok 385 votues,8.18%. Zvecan, 204 votues apo 2.92%. M. Veriut 837 votues 4.62 %”, ka thënë ai.Radoniqi, bëri të ditur se rezultatet pritet të publikohen pas orës 20:00.
QZ, ka ofruar mundësin dhe kushtet për të gjithë qytetarët për t’i zgjedhur përfaqësuesit e tyre. Falënderojmë policinë, prokurorinë, për angazhimin e tyre. Falënderojmë edhe mediat që kanë njoftuar në kohë reale për zgjedhjet.
Rezultatet do të publikohen pas orës 20:00 ose pak më vonë.
