VIDEO / Reshje dëbore në Bogë-Theth, ARRSH: Ja si paraqitet kalueshmëria në rrugë

Në Bogë-Theth gjatë orëve të para të mëngjesit janë rikthyer reshjet e dëborës me intensitet mesatar.

Autoriteti Rrugor Shqiptar bën të ditur se “mjetet borëpastruese po punojnë për pastrimin e rrugës dhe shpërndarjen e kripës”.

ARRSH tha se qarkullimi i automjeteve po kryhet pa probleme.

Sipas Shërbimit Meteorologjik Ushtarak sot vendi ynë do të ndikohet nga kushte atmosferike të paqëndrueshme si pasojë e kalimit të një fronti të ftohtë atmosferik shoqëruar me masa ajrore të lagështa me origjinë jugperëndimore. Moti parashikohet i vranët në të gjithë territorin shoqëruar me reshje shiu me intensitet të ulët dhe mesatar në formën e shtrëngatave.

/a.r