Ancelotti: Ndeshja me Girona-n nuk është vendimtare për kampionatin, tregon vetëm avantazhin

Real Madrid-Girona është supersfida e javës së 24-ët të La Liga, me dy skuadrat që janë fuqishëm në garë për titullin.

Duke folur në prag të takimi që luhet këtë të shtunë në orën 18:30, trajneri i “Los Blancos”, Carlo Ancelotti u shpreh se kjo sfidë nuk është vendimtare për sezonin.

“Kushdo që fiton nesër do të jetë përpara, por ka ende shumë javë derë në përfundim të kampionatit. Të dyja skuadrat janë të pozicionuara shumë mirë dhe ndeshja e nesërme nuk do të vendosë kampionatin, por kush do të ketë avantazh ndaj të tjetrës. Nuk besoj se kampionati do të vendoset nesër, çfarëdo që të ndodhë”-u shpreh italiani.