Ndrejaj: Së shpejti nis ndërtimi i klinikës së re obstetrike

Qendrës Klinike Universitare të Kosovës së shpejti do t’i shtohet edhe një klinikë e re obstetrike, pjesë e Gjinekologjisë.

Kështu ka bërë të ditur për EO, drejtori i kësaj klinike, Zef Ndrejaj.

Ai ka deklaruar se ky projekt është mundësuar nga Emiratet e Bashkuara Arabe, me ç’rast Ministria e Shëndetësisë dhe bordi i ShSUK-së e kanë miratuar këtë projekt.

“Para disa ditëve bordi i ShSKUK-së dhe Ministrinë e Shëndetësisë e kanë aprovuar edhe lejuar lokacionin ku do të ndërtohet një klinikë e re obstetrike, ajo do të ndërtohet mbrapa klinikës Gjinekologjike”, deklaroi Ndrejaj.

Ai e ka quajtur lajm të mirë ndërtimin e kësaj klinike, pasi siç thotë do t’u ofrohen pacientëve shërbime me standarde të larta e salla moderne.