Milan dëshiron transferimin e sulmuesit të Romës

Sezonin e ardhshëm, reparti sulmues i Milanit ka gjasa të ketë tre ish-lojtarë të Chelseat. Bashkë me Álvaro Morata dhe Christian Pulisic mund të jetë Tammy Abraham.

Sipas Gianluca Di Marzio, Abraham ka rënë dakord për kalimin në Milan. Rossonerët aktualisht janë duke negociuar me Romën, por kushtet dhe detajet financiare të transferimit të mundshëm mbeten të pazbuluara.

Abrahami humbi pjesën më të madhe të sezonit të kaluar për shkak të lëndimit. Roma nuk e sheh më atë si sulmuesin kryesor, pasi klubi është afër nënshkrimit të golashënuesit më të mirë të La Ligës, Artem Dovbyk.

Gjatë tre sezoneve me Romën, Abraham luajti 83 ndeshje në Serie A dhe shënoi 26 gola.

/ Sport